മട്ടന്നൂർ: ഡൽഹിയിൽ നിന്ന് തിരിച്ചെത്തിയ കെ. സുധാകരൻ എംപിക്ക് കണ്ണൂർ വിമാനത്താവളത്തിൽ സ്വീകരണം നൽകി. ഇന്ന് പുലർച്ചെ രണ്ടോടെയാണ് സുധാകരൻ കണ്ണൂരിലെത്തിയത്. കോൺഗ്രസ് നേതാക്കളും പ്രവർത്തകരും ഷാളണിയിച്ച് സുധാകരനെ സ്വീകരിച്ചു.
രാത്രി ഒമ്പതോടെയാണ് ഡൽഹിയിൽ നിന്ന് സുധാകരൻ കണ്ണൂരിലേക്ക് പുറപ്പെട്ടത്. നിരവധി പ്രവർത്തകരാണ് മുദ്രാവാക്യം വിളിച്ചും ഷാൾ അണിയിച്ചും സുധാകരനെ സ്വീകരിക്കാനെത്തിയത്. മാധ്യമ പ്രവർത്തകരടക്കം സുധാകരനെ വിമാനത്താവളത്തിൽ കാത്തിരുന്നുവെങ്കിലും യാത്രാ ക്ഷീണമുണ്ടെന്നും പ്രതികരിക്കുന്നില്ലെന്നും പറഞ്ഞ് സുധാകരൻ വീട്ടിലേക്ക് മടങ്ങുകയായിരുന്നു.
